15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ka tnat PWD leh em ko i bahkhlieh ha i ya tyrrah kari: HDR

0 Comments

Jowai: Ka tnat Transport ka jylla kam chibynta wow pynsñiawthooh paidbah yei emkaam wow man kiwa husiar heipor wa yah kari kamjooh leh ya ki kiwa lai kjat, ynne ka sngi da pynman ki da ka Road Safety Advocacy ha Bosco Pnar, Jowai heiwa u H.D.R Lyngdoh Minister Incharge of Transport Department da wan u kam u kongsan hei emlang u SP ka WJH u R. Muthu, u ADM u DM Wallang, U DTO ka WJH u P. Laloo ki seiñ kamai kari wa ki khynnah skur.

U V.R. Ryngkhlem uwa man kam u MVI, Jowai hei klam wai phang yong oo da ong u wa ha India da ki lak ki bru wa dooh yei mynsien yong ki nei ya tyrrah kari iwa jia na ki daw wa boonjait wei yow lait na ini waroh emkaam u bood ya ki aiñ heipor wa yah kari kamjooh heipor wa lai kjat. Da pynkynmoo u ya kiwa yah kari wow deiñ ki ya ki seatbelt, ymtoh u pynhær kari, u ngait ki ya ki Traffic Sign wa pynyieñ ha kylleiñ ki thaw. Kamjooh da ong u wa cha i dang boon ki wymtip u pynemkaam ya ki Signal heipor wa yah kari neibhah heipor wa e laad ya ki kari wa wan nadien da pynche ki da ka signal na timun iwa man iwa bakla neibhah lada pynche na timun mut daw dong i cha timun, kamtæ toh u pynche da ka signal wa tidiang kamjooh leh heipor wa pynsangheh kari ha rood sarok.

Advertisement ad1

Hei yatoh won wa ki paidbah wa lai kjat da ong wa toh u lai ki na ka liang wa lai mar pyrchah ya ki kari yow chynna ya ki kari neibhah lada lai na ka liang wa ki kari wan ki nadien, man ko kawa ma ya kiwa lai kjat wei emkaam ki leh u pynemkaam ya ki kuti lai kjat hei thaw wa em ki.

Kamjooh leh da pynchlur u ya ki paidbah wow yarap ya kiwa mynsoo ha i ya tyrrah kari neibhah da em ka aiñ wow yada ya ki wei ym chah pynbaad ki wa emkti ki ha ka tyrrah kari.

Ka Dr. S. Suja won da batai ko chaphang ka First Aid heiwa kammon u yarap ya kiwa mynsoo deiwa ong wa ymtoh u pynkhih ki na i thaw wa em ki neibhah ini boon i por pynjoor ko yei chitom ki bru. Ym hoi u  sai ya ki yit wa piah lada em ki ha i doh i pran kiwa mynsoo, lada mih snaam ki na ktien toh u pynkyruiñ yei khleih cha chrooh yow lait ki u ngooid pyn dei snaam kamjooh i prai, u tymmoh ya ki da ki that yow chit ki wei lada hap rah ya ki toh u pynemkaam kam da ka pyrthaap wa eh ym toh u rah na khlieh wa na kjat iwa ye u poi che kheiñ u budloom kiwa mynsoo.

U HDR hei klam yong oo da sñiawsih u wow yoo wa ym em wa wan neiliang ka PWD ha ka yalang neibhah ka leh emkti ko ha kiwa boon ki ya tyrrah kari neidaw wa sih u sarok wei da kyntu u ya ki bor ka district wow phah smat ki wow chna pyndap ya ki thlu wei ymtoh u yang hadooh wa jæd wa pra. Da ong u leh i dooh ya iwi i mynsien toh iwa ktah hadooh kattæ kattæ ya ka yung ka sem wei em i por i jia toh neidaw wa yah kari khlem akor kamtæ da pynchlur u ya ki pulit wow chim ya ki chabi wa yah kari dei muaid kiwa pynemkaam phone wa ki wym pyndait seatbelt.

U HDR leh da puræ wei da yahkhmat ha ka smai wow kohngooh ya ka aiñ heipor wa yah kari.

Hadien wa kut ka yalang da pynman ka lai kjat da ki khynnah skur nadooh na Bosco Pnar hadooh ka yung krehkaam u DTO kam chibynta wow e wyrta cha ki paidbah wow bood ki ya ka aiñ heipor wa yah kari.

Previous
Next

0 Comments

Leave a Reply