Iñ ka AC Bus ha Delhi kawa kit ya 50 ngut 

Kawi ka AC Bus ka Delhi Transport Corporation (DTC) kawa kit kamwa 50 ngut ki bru da iñ lut ko plak ha Jagatpuri ha nongbah New Delhi.

Neiliang u Station Officer ka Delhi Fire Service (DFS), u Anoop Singh da ong u wa da tip yeini heipor 9:42 ynne i step wei da phah le tylli ki kari tymplæh diñ. 

Da suba wa da sdang i diñ na ka Short Circuit ka Air Conditioning System yong kani ka Bus heipor wa lai ko cha Seemapuri.

Kiwa sakhi da ong ki wa da sdang i tdem na ka Engine kani ka Bus wei da kaweh kti ki ya uwa yah yong ka heiwa da sangeh u wei da pynhiar ya kiwa chong hapoh yong ka.

Related posts

Yap ki chiyung neiwa noh ka kari chapoh ka wah hadien wa wan lehkmen Diwali

November 9, 2026

Tdem pum ka nongbah New Delhi hadien wa kut ka lehkmen Diwali

November 9, 2026

Da ong wa em da em 50 ngut hapoh kani ka Bus kiwa da ye u mih na ka khlem em wa mynsoo.

Ha ki 8 snem wa da lai, da em 30 tylli ki Bus ha Delhi kiwa da kop diñ heiwa du ha u 2023 da em 8 tylli.

Kani ka Bus wa dang kopdiñ toh kawa da lai luti dang soo snem chiteiñ donhi.