Independence Cup: Jop suk ka 7 Wasa yaka Lumchyrmang Mihmyntdu

Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da poi ko cha ka sngi wa phra ynne da ar tylli ki yalehke.

Ka yalehke wa nyngkong da kut ko da 2-2 hapyrdi ka Mooknor Thadmuthlong waka Lion.

Ya ka Mooknor Thadmuthlong da thap kool da u Heithrang Lyngdoh haka minit wa 42 wa u Samuru Papiah haka minit wa 50 katwa ya ka Lion da thap da u Nikhil Shylla haka minit wa 2 wa u Bankerlang Shylla haka minit wa 58.

Related posts

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

District Cricket League: Jop ka Khliehtyrchi wa ka Goodwill Mupliang

March 14, 2026

Ha ka yalehke wa bood, ka 7 Wasa da jop ko yaka Lumchyrmang Mihmyntdu da 7-0 da ki kool wa thap u Saibok Tariang haka minit wa 6, u Riphi O Shylla haka minit wa 24, 26, 33 wa 35 wa u Thankyou Mukhim haka minit wa 29 wa 42.

Ki yalehke mynstep u pynman biang ar tylli kiwa daw sdang da ka Sohmynting waka Pynthor Youth Social Welfare heipor 1:30 i sngi wei daw pynbood da ka FAM waka Ladthadlaboh heipor 3:00 waje i sngi.