Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da poi ko cha ka sngi wa khat-ar deiwa sdang ya ki yakhun Pre-Quarter Final da ar tylli ki yalehke.
Ha ka yalehke wa nyngkong, ka 7 Wasa da jop ko yaka Khimusniang 2-0 lyngba ki kool wa thap u Kerlangmi Kelphung haka minit wa 36 wa u Thank You Mukhim haka minit wa 53.
Ha ka yalehke wa ar, ka FAM da jop ko yaka Mynthong 2-0 da ki kool wa thap u Leikirang Suiam haka minit wa 9 wa u Pynsngatmiki Papang haka minit wa 54.
Da ini i jop, ka 7 Wasa waka FAM da yoh ki wow psiah Quarter Final kiwa daw sdang ha ka 9 tarik.
Discussion about this post