Independence Cup: Psiah Quarter ka Mukhla Raij waka Dulong

Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da poi ko cha ka sngi wa khat-soo ynne deiwa pteiñ ya ki yakhun Pre-Quarter Final da ar tylli.

Ha ka yalehke wa nyngkong, ka Mukhla Raij da jop ko yaka Lion da 3-2.

Ya ka Mukhla Raij da thap kool da u Edwin Suna haka minit wa 11 wa u Guidingstar Suna haka minit wa 31 wa 60+1 katwa ya ka Lion da thap kool da u Nikhil Shylla haka minit wa 30 wa u Banker Lang Dkhar haka minit wa 53.

Haka yalehke wa bood, ka Dulong da jop ko yaka Lumpariat da 1-0 deiwa thap bakla uwa yalehke ka Lumpariat, u Esalanme Bareh haka minit wa 58.