Independence Cup: Psiah Semi ka Pateinki Sabah, Khimusniang, 7 Wasa wa ka Mynthong  

Ka Independence Day Cup U-17 Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa phra ynne deiwa pyndep ya ki yalehke Quarter Final.

Ha ka Quarter wa nyngkong, ka Pateinki Sabah da jop ko ya ka Dulong da 3-1 deiwa yachut Tie-Breaker hadien wa kut ka yalehke da 1-1. Ya ka Pateinki Sabah da thap da u Pynkmaimi Phawa ha ka minit wa 54 katwa ya ka Dulong da thap da u Nambor Lamat ha ka minit wa 52.

ADVERTISEMENT

Ha ka Quarter wa ar, ka Khimusniang da jop ko ya ka Luti Tuber Ialong da 2-0 da ki kool wa thap da u Soyn Ryngkhlem ha ka minit wa 11 wa u Vishal Nongpluh ha ka minit wa 13.

Ha ka Quarter wa le, ka 7 Wasa da jop ko ya ka Mookyndur da 2-0 lyngba ki kool wa thap u Teibor Malang ha ka minit wa 7 wa u Riphi Oo Shylla ha ka minit wa 34.

Related posts

Jop ka Kharkhana wa ka Ammutong ha ka 3rd Division, khlem em wa jop ha ka Super Division ka ASSA

October 20, 2026

Jop ka Larnai Lurshai ha ka Super Division, khlem em wa jop ha ka 1st Division ka TSA

October 20, 2026

Ha ka Quarter wa soo, ka Mynthong da jop ko ya Da I Hi Mynsngat da 2-0 da ki kool wa thap u Laman Mannar ha ka minit wa 31 wa u Banrap Pohleng ha ka minit wa 48.

Ki yalehke Semi Final u pynman ha ka 12 tarik.