Kawi ka Bolero Pickup da iñkhaw ko nei chah kawang Petrol Bomb ha ki bru kiwa da kah durkhmat ha East Jaiñtia Hills District.
Katkam ka khubor na u Superintendent of Police ka East Jaiñtia Hills, u Shailendra Bamaniya da khana u wa kani ka Bolero Pickup toh kawa em Number ML-11A-8668 kawa da chim wai da ka Shree Cement Ltd kawa da chah kawang Petrol Bomb ha ki 5-6 ngut ki bru kiwa da kah durkhmat ha laad Jaraiñ, Elaka Sutnga ha East Jaiñtia Hills District.
Da ong u wa ini wa jia toh hei janmiet ka 25 tarik uni u bnai wei kani ka kari toh yong ki bru samen kawa chimwai da ka Shree Cement Ltd.
U SP da khana u wa da em soo ngut kiwa chong hapoh katai ka kari wa kynthup ya le ngut kiwa kreh ka Shree Cement, kiwa dang liwan na Khliehriat yow lai cha ka karkhana ka Shree Cement, wei ini da jia i heipor kamwa 4:00 waje i janmiet haroh.
Da khana u wa ha ini wa jia ym em kiwa mynsoo wei ka takit kattæ dang lai ko chakhmat.
Discussion about this post