Ka Inter Office T20 Cricket Tournament wa da pynlai da ka Meghalaya State Government Employees Federation, Jaintia Hills District Unit, Jowai, ha madan Jrisaleiñ, Chutwakhu, Jowai da pteiñ ka ynne heiwa ka Veterinary & Animal Husbandry da jop ko ia ka Asst. Registrar Coop. Societies da 113 Run.
Ya ka kylla-khlem da jop da ka Veterinary & Animal Husbandry wei da jied ko wow kamai Run chwa heiwa da ye ko u yoh 251/7 na ki 20 Over, wei kiwa kamai Run boon duh toh u L. Pariat uwa yoh 59 Run wa u T. Tariang uwa yoh 58 Run deilang wa u D. Rngad uwa yoh 39 Run.
Neiliang kiwa kawang bol ka Asst. Registrar Coop. Societies, u Ewanmi Sutnga da yoh u 3 Wicket katwa u Ailang Lyngdoh da yoh u 2 Wicket.
Hawa kdong ya ka thong, ka Asst. Registrar Coop. Societies da ye ko u poi du 138 Run na ki 17.4 Over. Uwa kamai boon Run dooh toh u Darimi Thubru uwa yoh 63 Run, katwa na kiwa kawang bol ka Veterinary & Animal Husbandry u Lewotki Pariat da yoh u 3 Wicket katwa u T. Tariang wa u I. Dkhar da yoh ki mar 2 Wicket.
Ka yalehke mynstep ka sngi u man ko hapyrdi ka PWD pyrchah ya ka C&RD Block heipor 11:00 waje i step.
Discussion about this post