I kular ki Party wa synchaar ya ka jylla da yah i chei tih mooyong tooh: Vincent

U heh ka Congress ha Meghalaya, u Vincent H Pala da ong u wa ym pynbaad u ya ka sorkar heiyatoh wa i jia ha krem mooyong ha Mynsngat, Thangskoo, neibhah kam ini i jia ye i wow jia heiwon heiwon i thaw wa i por.

Da beiñ won u ya ka sorkar heiyatoh wa i rukom leh ka sorkar heiyatoh wa i tih mooyong deiwa ong wa i kular ki Party wa synchaar ya ka jylla da yah i chei tih mooyong tooh.

Da kdaw u wa u Chief Minister, Conrad Sangma, uwa ksoh ya ka chnat Mining, da kular u wow sdang i tih mooyong hapoh 6 bnai nawa wan u hei bor heiwa ha ka Manifesto ka BJP da ong ko wow sdang i tih mooyong hapoh Meghalaya du hapoh 180 sngi.

Chooh chooh da ong u wa kini ki kular ym em ye u pynman kaam ya ki iwa da man kamwa chukor ya ki paidbah.

Related posts

Lada pyrchah bait ya ki kaam pynroi daw man ko i dooh nong ya ka Meghalaya: NPYF EJHD Unit

April 19, 2026

Ka Computer kawa man kam ka Compulsory Subject tangwa ym em biang ki kor ha ki UP School ka Jaiñtia Hills

April 19, 2026

U Vincent da ong u leh wa i rukom leh ka sorkar da pynkulmar i ya ki paidbah khamtam kiwa im nei tih mooyong katea, kamtæ emkaam ya ka sorkar wow klam che ko yeini lada u chah ko wow pteiñ næ ym chah de ko wow pteiñ i tih mooyong.

Da ban joor u wa kam ini da jia i du ha East Jaiñtia Hills, katwa ha West Khasi Hills wa Garo Hills ym em kamni, katda kamtæ emkaam ya ka sorkar u pynche ko khnang wow lait de u jia kamni chaphrang.