Ka khang chnong wa 36 kynta ha Jowai ka wow sdang nadooh 6:00 waje i step ka 26 tarik u man ko kawa lai bait heiwa daw pynlait u wai du ki Bank, ki khynnah wa lai thoh Exam wa ki thaw wa thoh Exam.
Ha Iawmusiang najrong ki thaw wa pynman yaw wa ki dukan, da khang leh ya waroh ki thaw pynyieñ kari kamai nadooh kiwa em ha Newhill.
Ki skur leh kiwa em ha Iawmusiang u man ki kiwa khang wei ym chah leh u lai u wan ki kari lyngba ka Iawmusiang lait na ki Ambulance wa kiwi ki kari kam kiwa dai dud, ki Emergency Service wei chah hi u wai ki dukan Pharmacy.
Ha Ladthdalaboh leh ka yaw wa ki dukan u man ki kiwa khang deilang wa ki skur lait na ki skur wa pynman Exam. Ki Bank ym em khang ya ki tangwa kiwa boon ye ki wow man kiwa khang.
Ki thaw pynyieñ kari kamai leh u man ki kiwa khang tangwa ym em khang ya ki kari wa lai luti lyngba ka chnong.
Ha waroh daw em ki Volunteer ki wow pait ya ini waroh ki wym pynbor tangwa kiwa daw kyrpaad yei ya krehlang wa kynthup leh ya ki wakreh sorkar wow ya krehlang ki ha kini ki 36 kynta.
