Iwa leh kiwa kamai kari ha Meghalaya kiwa ha Assam leh ye ki wow leh yei jooh, ong u Paul

U Montri wa pait ya ka chnat Tourism, u Paul Lyngdoh da ong u wa dadep maham chwa u wa kani ka luti kawa da chim da ka seiñ ki kari kamai na Meghalaya daw ktah kylla ko ya ka jylla.

Hawa klam ynne ka sngi, u Paul da ong u wa da maham wa iwon iwon iwa leh daw em i chah ktah hajrong ini. Ha kani ka juk ym ye wow im samen samen wei da emkaam wow em i yatoh wei ya krehlang.

Da ong u wa ka seiñ ki kari kamai ka Meghalaya toh u yaklam yapynbait ki wa seiñ kari kamai ka Assam hachwa wow leh ya kawon kawon ka kaam neibhah wa yaleh ki ya ka jooh ka kaam.

Dang ini wa dep ka All Khasi Meghalaya Tourist Taxi Association (AKMTTA) da rai ko wow khang ya ki kari kamai na Assam wow lai booh bru cha ki thaw uiñke suwari wa em ha Meghalaya.

Related posts

Yoh ka Meghalaya ya ka karkhana wa nyngkong kawa pynkylla rngaw ya ki siej

May 12, 2026

Da chah biang wow lai ki Night Super cha ka ISBT

May 12, 2026

Hajrong ini, ka seiñ kari kamai na Assam, ka Tourist Transporter Association of Assam (TTAA) da maham ko ya ka All Khasi Meghalaya Tourist Taxi Association (AKMTTA) wa lada lai ko chakhmat wow khang ya ki kari Assam wa kit bru cha ki thaw uiñke suwari, ki kari na Meghalaya leh u maad ki yei jooh hapoh Assam.

Katkam i ong u Montri, i khang ya ki kari man ko pyrchah ya ka aiñ neibhah wa ye ki u kamai. Da takraiñ u ya ka seiñ kari kamai ka Meghalaya wa toh u pynbiang chwa ki yei emkaam katkam ki kyndon ka aiñ kam wow em da jar jiar ka Office.

Da e yumut u leh ya ka seiñ ki kari kamai Meghalaya wow em i ya krehlang wa ki tre thaw sah kam ki Hotel wa ki Guesthouse wei lai choo ya kiwa wanke.

Da ong u leh wa kini ki arliang emkaam u chong yaklam ki wei neiliang ka sorkar dadep ko wow thung ya ka Committee wa yahkhmat da u Cyril VD Diengdoh heiwa dadep pynman yalang da boonsien tangwa ym poi cheiwon cheiwon.