Iyi
Wym yaklam cha Ri Khasi,
To yaklam chwa ha ri yong i.
Hapoh ka Ri Khad Ar Dolloi,
Iyi yoh i i myntoi.
Ye ma-ai u ñiaw ya kini,
Ki seiñbhalang katwon tylli em ki?
Ya kini lada wyrchawlang,
Chi yaw wymkut de u khanatang.
Hawa pait yei boon kini,
Embhah i na kiwi tawan ki Ri.
Wa em i chiboon ki Khla Wait,
Da wyrngu u ñiaw hawa pait.
Kwah ki u man khla Ryngkaw waroh,
Tangwa i kaam iwi wot wym yatoh.
Nu watoh ki khla wa sakhiat,
I thaba ka Ri tyrchaaiñ wow pait.
Iyi iwa phylla wa yoo phi,
Lym toh i tooh i thiem donhi.
Nuwa em wanood u len yeini,
Pyn na pyrthai u iñkhaw u thylliej ki.
Datam chi spah snem kattu,
Wymem kiwa khyrngiat yong bru.
Cheiwon wiar ki wa e dei mynsien,
Tang wow lait na ka pateiñ hei chah tim.
Du chisien chi pateiñ donhi,
Da kha yow khlawait ka Ri.
Man u snem wymkha ya oo,
Ham yooluti wei ham yomphoo.
(Wymem wa ye u chim næ knieh khlem da yoh bor na u nongthoh)
Discussion about this post