Iyi mut wow tipmit ya ka ktien Khasi hawa ka sorkar dang pynmih ko yei pynbna hei ktien English

Ka Federation of Khasi Jaintia and Garo People (FKJGP) deilang ka Khasi Students’ Union (KSU) da pynsñiaw ki yei sñiawsih yeiwa ka sorkar jylla da pteiñ ko wow pynmih yei pynbna namo ki Official Notification hei ktien English hanla da tipmit da ka aiñ ya ka ktien Khasi kam kawi na ki Official Language.

Ynne ka sngi neiliang ka FKJGP wa ka KSU Upper Shillong Unit da lai e dorkhat ki kawa da thoh hei ktien Khasi cha u Director ka Urban Affairs Department, yow kyntu ya ka sorkar wow pynrehkaam ya ka aiñ kamwa da thoh wei kamwa da thmu.

Hawa yaklam wa kiwa thoh khubor, uwa yahkhmat ka FKJGP, u Kitbok Nongphlang da ong u wa ka sorkar da pynbna ko ya ka ktien Khasi wa Garo kam ki Official Language tangwa i pynbna sorkar dang pteiñ hi wow pynmih dei ktien English iwa da pynsepai yei tipmit ya kini ki jait ktien.

Related posts

Boon rtap yang ki pulit wow khang ya ki khon ka Hima Langrin wow psiah cha KHADC | Thut ka lai ka wan

August 19, 2026

U ah 10-15% na ka tulop lada ym sumaar ya ka bei wa u pa: Himanta

August 19, 2026

Da kyntu u leh ya ka sorkar wym toh wow pynman ya kani ka kaam kam ka laad wow chim kabu yow yahbakla ya ki paidbah, tangwa wow pynkrehkaam ya ka aiñ wow pyntikna wa da pynemkaam yei ktien Khasi.