Ka chnat Health & Family Welfare ka sorkar Meghalaya haka 17 tarik uni u bnai da pynman ko yaka yalang ha Hotel Marriot Shillong neibynta ki Doctor Specialist kiwa da chah jied yow man leh kam kiwa sikai manda wai yaka Shillong Medical College.
Hawa e yei klam, neiliang u Dr. Achal Gulati da ong u wa kamwa man kattæ da em 706 tylli ki Medical College hapoh ka ri tangwa ha Meghalaya em ko du kawi donhi katæ toh ka NEIGRIHMS wei da emkaam wow sdang noh ya ka Medical College.
Da ong u leh wa ka Meghalaya emkaam ko 300 hadooh 400 ngut ki wow lai puræ Doctor man-u-snem tangwa kamwa man kattæ ka jylla em ko ka bhah namo ka Quota kawa du 50 Seat. Kamtæ da ong u wa manda em ka Medical College wa thymme hapoh ka jylla daw emkaam ko yei kyrchaan yong waroh ki Doctor yow poi cha ka thong.
Da ong u leh wa ka jylla toh u lai ko chakhmat wei da emkaam ko da ka yong ka hi ka Medical College wei da emkaam wow e laad ya ki khynroo khyllood yow man ki kam ki Doctor ka jylla.
Ka thong kani ka yachem wa kini ki Doctor Specialist toh yow pynche yei kaam wei kitkhlieh hapoh ka Medical College wa Hospital kamtam kitu wow man kam kiwa sikai, ki kaam thooh bniah, ki kreh yong ki wa kiwi kiwi de.
Discussion about this post