Jied waheh chnong thymme ka Tuber Kmai Chnong

Ka Dorbar Chnong Tuber Kmai Chnong ha ka 27 tarik uni u bnai da pynman ko yei jied thymme ya u waheh chnong deiwa thap Vote heiwa da em ar ngut kiwa yaleh.

Yei jied waheh chnong da pynman deiwa ya thap Vote heiwa ki kyrtong toh u Jiedlang Sana wa u Micky Lyngdoh uwa man kam u waheh chnong warim wei hadien wa dep niaw Vote da jop u Jiedlang da 173 Vote yow man u waheh chnong wa thymme neibynta u snem 2025-28.

U Jiedlang Sana kam u waheh chnong thymme da e khublei u ya ki paidbah ka chnong kiwa da yoo biang u jied ya oo kam u waheh chnong, wei da kular u wow kreh chitom chooh chooh yow wanrah ya ka roi ka paar wei u chakri hok ya kiwa chong chnong khlem da niaw chiliang.

Khnang yow pynlai bait pynlai ryntih ya ki kaam yong ka chnong, da jied leh ya u Heibormi Shylla kam u Secretary chnong deiwa ya rah kti.

Related posts

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026

Khut sñiawbha ka Seiñ Raij Muthlong cha ka Behdieñkhlam 2026 | Da booh kyndon leh ya kiwa wan chongdai

July 27, 2026

I jied waheh chnong da man ko kawa lai bait lai ryntih wei da man ko leh kawa jop katkam i angnood ki paaid wa chong chnong.

Neiliang ka Election Committee ka Tuber Kmai Chnong da e khublei ko ya waroh nadooh u Pa Dolloi ka Elaka Jowai, u Puramon Kynjing kam u khliehdooh wow pynlai ya ka Election wei kamjooh ya ki paidbah ka chnong kiwa da yakrehlang wow wanrah yei chongsuk chongsaaiñ hapoh chnong poh thaw, kamjooh ya ki bor pulit hapoh i yahkhmat u Giri Prasad kam u SP.

Ini man ko katkam wa pyntip na u Autonomous Phawa uwa man kam u Chairman ka Election Committee Tuber Kmai Chnong 2025.