15 49.0138 8.38624 1 0 4000 1 https://wyrta.com 300 0

Joo umkhmat kawa chah pynbaad pynyap bru ha kiwa pynemkaam Facebook

0 Comments
Advertisement ad1

Shillong: Ka Angela Rani kawa kreh kam ka Casual Receptionist ha ka Meghalaya Tourism Development Corporation, ynne ka sngi da kyntu ko ya ki bru wa dai sarom ka ha ki Social Media wow wan ki chakhmat deilang wa ki sabut hajrong i pynbaad wa khlem akor pyrchah ya ka, khamtam wa chah pynbaad ko wa emkti ko u pynyap yaka Assistant Manager ka Orchid Lake Resort, Umiam, ka Ïohbianghun Sahkhar.

Hawa yaklam wa ki laad pathai khubor ynne ka sngi, ka Angela Rani da pyntip ko wa ha u snem 2017 da em ki bru kiwa thaad ya ka ha Facebook wa ka man ko ka bru wym man deiwa klam leh ya ki ktien wym sñiawsuk kiwa da ktah ya i manbru yong ka wa ya kiwa ha yung ha sem, wei ha ini i thoh da pynmih leh ya i pyrtuid yong ka, i thaw sah ko wa u Number Phone warim yong ka.

Advertisement ad1

Da pyntip ko leh wa hajrong ini i chah pynbaad ko da ujor wa ki pulit wow kem ya kiwa emkti heiwa da e leh yaka Facebook Account yong ki le ngut, kawa toh ka yong u Ribanki Ori Nongrum, Rina wa Latisha Pyrbot, tangwa ki pulit hadoh katni ym em chem ki ya kini ki bru.

Chooh chooh da pyntip wa hadien ini, katni won da chah pynbaad syndon ko wa emkti ha i chah pynyap ka Ïohbianghun, wei kamjooh wa u pa yong ka u John Kharmawphlang leh emkti lang u, wei dang yoh yutip biang hajrong ini i pynpoor ya ini i chah pynbaad ha ki Social Media ynne ka step wei mar ya tip ya ini da lai ujor biang ko ha ki pulit.

Da ong ko wa hei manbru em ko i duna, deiwa joo umkhmat da ong ko wa ym em leh bakla ko hadooh wa ki bru u yoh ki wow pynbaad wow thaad ya ka hadooh katni kawa da ktah syndon ya i manbru ko hadooh wa kiwa ha yung ha sem yong ka.

Chooh chooh da ong ko wa lada kini ki bru kiwa thaad kiwa pyndooh burom ya ka wa em sakhiat ki yaka sabut toh u wan ki chakhmat ym toh wow rieh ki wei wow murieh ki yei pyrtuid yong ki leh. Ha i jooh i por da kyntu wei da kyrpaad ya ki pulit wow chim khia ya kani ka kaam wow kem ya ki bru kiwa emkti wow dai sarom ka ha ki Social Media.

Advertisement ad1

0 Comments

Leave a Reply