Ka JNC Western Zone ynne ka sngi lyngba u President, u Hamehi Bamon da pynkynmoo paidbah u wa haka 14 tarik u January, neiliang ka seiñ da lai khang ko wow chim poisa na ki kari ML04 wa ML11 wei hadooh kini ki sngi leh ym em de chim poisa.
Da pyntip u wa hadien wa da khang ka seiñ wow chim poisa, neiliang kiwa pynlai ya ka Toll Plaza wa em ha Ialong da Phone ki na ki por cha ki por tangwa ym jooh bien u wow yaklam wa ki wei ha kini ki sngi wa dep da joor ware Phone ki wei hawa yaklam u wa ki da kwah ki wow yachem wa ka seiñ wei wa da ong wow jied da ka seiñ heiwon i thaw yachem tangwa ym em bien wow leh yeini, kamtæ da lai bait chwa ini wow dam u chim poisa na ki kari khian ML04 wa ML11 kamwa da thrang ki paidbah ka thaaiñ.
U President ka seiñ da ong u ini i kwah kini kiwa pynlai ya ka Toll Plaza ye wow em iyi ræ iyi cha kylla wow pynbiej ya kiwa yahkhmat ka seiñ, kamtæ lyngba kani ka khubor da e jubab cha ki wa lada dang pteiñ ki wow thooh laad thooh buit wow lehbor u chim poisa, ka seiñ leh daw pynyoo bor ko weiwa daw khut paidbah ko leh ym du ki dkhot ka seiñ wow pynyoo bor lada sdang pteiñ ki wow chim poisa.
Da ong leh lada kyruiñ cha kiwi ki thaw kam cha Ri-Bhoi khamtam ha Guwahati da yoo wa u sarok man u uwa miat wa bha wei uwa jrong tangwa duna ki Toll Plaza, katwa cha ka thaaiñ yong i nawon tang chi pawa leh wym em miat u sarok da pynboon du ki Toll Plaza.
Kamtæ da seiñ da kyntu ko leh ya kiwi ki seiñ kamjooh ki bru samen wym toh u chah pynbiej wei wow ya ksohktilang yow lait u sdang biang i chim poisa kani ka Toll Plaza.
Discussion about this post