Mynsoo uwi hei siat ki pulit Meghalaya cha suiñ hawa kem ya uwa tooh na Haryana

Katkam ka khubor wa da yoh, ki pulit ka Meghalaya da lai ki cha Nuh District ka Haryana wow kem ya uwi u bru wa tip kam u Razul Khan heiyatoh wa i tooh na ki kor ATM.

Hadien wa kem ya u Razul Khan chirup wa ki pulit ka Haryana, da kit ya oo da ka kari heiwa ki paidbah da yalang ki ya ka kari ki pulit wei da sdang ki wow thombor ya ka kari dei thmu wow pynlait ya u Razul Khan hajan u Bhadas–Shikrava Road ka Shikrava, Nuh, Mewat.

Kamtæ neiliang ki pulit ka Meghalaya wow yada ya kiwa em hapoh kari wa kit ya u Khan da siat ki cha khyndaw wa cha suiñ heiwa uwi u bru wa tip kam u Tarif Khan da mynsoo u wei da kit ya oo cha PGIMS Hospital, Rohtak.

Related posts

Kyi ko dei khlieh wei kyrngah ko dei tdong, ong u MP warim ya ka BJP

October 26, 2026

Da 1,65,682 ngut hiar kiwa thap Vote ha Meghalaya hadien wa pyndep ya ka SIR

October 26, 2026

Heiyatoh wa ini i jia ha Haryana, da ujor ya ka FIR pyrchah ya ki 12 ngut ki bru.