Joor ki kaam chah sai tooh ki poisa napoh ki Bank Account hapoh ka jylla

Jowai: Katkam wa pyntip ki pulit, u Jim Conrad K Sangma da ujor u wa ha u bnai wa nyngkong u 2015, ar ngut ki bru kiwa man kam ki SBI Life Insurance Agent u Swarajit Saha wa u Sudip Das na SBI Chandmari Branch, Tura da tyrwa ki cha oo wow thap poisa haka Life Insurance Policy wei da e kti u ha ki T. 5 lak. Tangwa haka 5 tarik u bnai wa nyngkong uni u snem da chem u wa ym em chi tyngka leh hapoh ka Life Insurance Policy yong oo.

Haka 4 tarik uni u bnai ka Mol Phawa da ujor ko wa ka ATM Card yong ka kawa wiar ha kani ka jooh ka sngi da em wa sai tooh T. 50,000 napoh ka Account yong ka.

Haka 11 tarik ka Muslin Mahania da ujor ko wa ha kani ka sngi da em wa sai tooh T. 60,000 naka Bank Account ko wa em haka Central wa T. 20,000 wa em ha Bank of India.

Haka 12 tarik u Richard Syiemlieh da ujor wa heipor 11:30 i miet da em kiwa sai tooh T. 74,023 naka  SBI Account yong oo.

Related posts

Ha kylla ki dur Blai murieh uwi ya u bhang wa dai u

July 6, 2025

Phah kset ka yung bichaar ya uwa paitsiar ya kawi kynthai heipor wa dang sum

July 4, 2025

Haka 7 tarik uni u bnai u Mathew Filex Tohtih da ujor wa da yoh u ya ki SMS ha ka phone u wa em wa da sai poisa T. 12,127 naka SBI Account u kawa em ha Secretariat Branch, Shillong.

Haka 8 tarik uni u bnai u Mridul Kalita naka NEPA, Umsaw (RB) da ujor wa da em arsien i sai poisa tooh deiwa pynemkaam ya ka ATM heiwa waroh da sai poisa T. 30,000 da ki bru wa ym tipmit.