Jowai: Katkam wa pyntip ki pulit, u Zamar Barbhuya da ujor u wa haka 21 tarik uni u bnai, u JE Bhavesh Kumar da chem u wa em wa tooh ya ka wi ka DTRV (Communication Equipment) wa chongdor kamwa T. 80,000 na BSNL BTS ha Jalaphet, East Jaiñtia Hills.
Haka 20 tarik, u Asst. Executive Engineer, MePDCL, Khliehriat Distribution Sub-Division East Jaiñtia Hills da ujor u wa ha kani ka miet da em ki bru wa ym tipmit kiwa pynsih wei da sai ki ya u Transformer wa chongdor T. 1,13,919 ha Dkhiah East, Lad Sutnga, East Jaiñtia Hills.
Haka jooh hi ka sngi, u Babidul Islam da ujor u wa em wa tooh 45 tylli ki Battery wa chongdor T. 3 lak na i thaw wa em u Airtel Tower, ha Mookympad, East Jaiñtia Hills.
Haka jooh biang ka sngi, u Kephas Papeng da ujor u wa haka miet ka 20 tarik, da em wa tooh ya 24 tylli ki Battery Cells na u Telecommunication Tower wa em ha Latyrke, East Jaiñtia Hills.
Haka 17 tarik, u Jesterson Jalong da ujor u wa da em wa tooh ya ki Battery na u Airtel Tower wa em ha Lumsohpetbneng, Umiam (RB).
Haka 15 tarik, u Skhemlang Jala da ujor u wa da em wa tooh ya 24 tylli ki Battery Bank, uwi u DG Battery wa 60 liter i phniang Diesel na Reliance Tower wa em ha Lumsohpetbneng, Umiam (RB).
Discussion about this post