Jop biang ka BPF ha ka Election Bodoland Territorial Council

Ka Bodoland People’s Front (BPF) wa yahkhmat da u Hagrama Mohilary, u synchaar biang ko ya ka Bodoland Territorial Council (BTC) hadien ka Election wa dang dep deiwa jop ha ki 28 Seat.

Ka BPF daw chna biang ko ya ka sorkar ha ka BTC heiwa da jop ko ha ki 28 Seat katwa ka UPPL da jop ko 7 Seat katwa ka BJP won ha ki 5 Seat.

Ha kani ka Territorial Council da em 40 seat wei i ñiaw Vote da man ynnin ka 26 tarik.

Ka Result wa pura daw pynbna myntu ka 27 tarik da ka State Election Commission heiwa ya ka Election da pynman ha 22 tarik uni u bnai.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Kani ka Council synchaar ko ya ka Bodoland Territorial Region (BTR) wa kynthup ya ki san District nadooh ka Baksa, Chirang, Kokrajhar, Tamulpur wa Udalguri ha ka jylla Assam.

Neiliang u Chief Minister ka Assam, u Himanta Biswa Sarma da ong u wa ka BJP ha kani ka Election da khlan bha ko tangwa nei yap syndet u Zubeen Garg da hap ko wow randien na ka Election Campaign tangwa daw miat ka Result ha ki snem wa daw wan.