U Mebankerlang Shullai u khloor yalehke Badminton ka West Jaiñtia Hills sa chisien da lai mihkhmat u ya ka District deiwa chimbynta ha ka 40th Meghalaya State Badminton Championship kawa da pynman nadooh ka 20 hadooh ka 23 tarik uni u bnai ha Nongpoh, Ri-Bhoi.
Ha kani ka kynti, u Mebankerlang da jop biang u yei naam Meghalaya Champion ha ka Open Category Men’s Single wei kani toh ka sien kawa soo wa da yoh u yeini i naam Meghalaya Champion deiwa jop ha u snem 2022 ha Tura, ha u 2023 ha Nongstoiñ, ha u 2024 ha Shillong wa uni u 2025 ha Nongpoh.
Ha uni u snem ka yakhun Final da man ko para na West Jaiñtia Hills hi heiwa ka yalehke da man ko hapyrdi u Mebankerlang Shullai wa u Deilang Wa Oo Nongpluh.
Ha kani ka Tournament u Mebankerlang da lai u leh kam u Head Coach ka West Jaiñtia hills District Badminton Team.
Kani ka lympung yaleh Badminton toh kawa heh dooh hapoh Meghalaya wei da pynlai da ka Meghalaya State Badminton Association.
Discussion about this post