Shillong: Ka Touchline NE Cubs, ka Langsning Greenergy Lions, ka ENE Falcons waka Kickstart FCC Rhinos toh kiwa da jop boon ha ki yalehke ka Meghalaya Baby League (MBL) 2018 kiwa pynman ynnin ka sngi.
Ki Cubs da jop ki le na ki san tylli ki yalehke wa em ha ka kyrdan wa 4-5 snem pyrchah ya ka Unified Gorkha Gators, katwa ka Gators won da jop ki ha ka kyrdan 12-13 snem kawa man i jop wa ar nadooh wa sdang ka MBL katwa kiwi ki yalehke hapyrdi kini ki ar tylli ki dhab da kut ku khlem em wa jop.
Ka Greenergy Lions won da lai ki cha khmat hadien wa rem ki ynnin tayaw yow pynrem ya ka Wahlakhiat Bulls ha ki soo tylli ki yalehke katwa ka Bulls da jop ko chisien.
Ynnin ka tayaw ka Wahlakhiat Bulls da pynmaad ko yei rem wa nyngkong ya ka Langsning Greenergy wei ynnin won ka Greenergy da jop ko ya ka ki ha ka kyrdan 4-5 da 1-0, wei ha kayalehke ha ka kyrdan 8-9 snem da won ki nadien yow jop 3-2.
Ki Falcons won da jop ki ya 4 tylli ki yalehke yong ki pyrchah ya ka JNS Jaguars, heiwa ha ka wi da thap 15 tylli ki kool wa jop ki da 9-6. Ki Jaguars won da jop da 3-2 ha ka kyrdan 8-9 snem.
Ki Rhinos leh da jop ki ya soo na san tylli ki yaleh ke pyrchah ya ka Sunnydale School Doves. Ki Doves da jop ki ha ka kyrdan 6-7 snem da 5-2.
Discussion about this post