15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Pynkupburom ka MSCSO ya ki khynnah skur ka K.B. Memorial Sec. School

0 Comments

Wapungskur: Ka Moopynieiñ Socio-Cultural & Sports Organisation (MSCSO), Wapungskur, East Jaiñtia Hills District, ha kani ka 10 tarik wa dadep da pynkup burom ko ya kiwa yalehke wa kiwa pait ya ki (Management) yong ka K.B. Memorial Sec. School, Wapungskur, kawa da rah ya i naam jop ha ka District Level Inter-School Football Tournament (Subroto Cup)- 2018 ha ka kyrdan Under – 17 Boys wa da pynman da ka yungkrehkaam u District Sports Officer yong ka East Jaiñtia Hills District.

Ya kani ka yalang pynkup burom da pynman ha ka Hall yong kani ka skur wei da pynlai ya ka yalang da u MH Dkhar, dkhot ka Executive Committee yong ka MSCSO wei da emlang kiwa yahkhmat ka wa ki dkhot yong ka MSCSO, kiwa yahkhmat wa ki dkhot yong ka Dorbar Dong Moopynieiñ, u Principal yong kani ka skur, kiwa sikai wa ki khynnah skur waroh.

Advertisement ad1

Kiwa yahkhmat wa ki dkhot yong ka MSCSO ha i klam yong ki da pynsñiaw ki yei yaroh ya kani ka skur, kawa da yoh u rah ya i naam jop ha kani ka lympung uni u snem, neibhah wa kani ka skur toh kawa dang sdang ha u snem 2013. Da yaroh ki leh ya kani ka skur neibhah du ha ki khajiak por wa da lai luti da yoh ki rah yei naam jop ya ka Subroto Cup, wei da jop ko leh ya kiwa boon ki yakop kam ha ka District Level Inter-School Athletic Meets yong ka District. Chooh chooh ka MSCSO da e khublei ya kiwa yalehke, Coach wa kiwa sikai yong kani ka skur neibhah i kreh chitom i yong ki da yoh ki u rah nam jop wei da kyntu ya ki wow kreh chitom chooh chooh ki yow jop ha ka State Level yong kani ka lympung yalehke.

Ka MSCSO da pynchlur ko leh ya ka skur wow ya chimbynta chooh man u snem ha ka lympung District Level Inter School Competition wa boon jait nadooh ki yalehbol wa kiwi ki jait Sport yow yoh ko u man kam ka rynsan ya ki khynnah wow pynyoo yei sap yong ki khamtam ha kini ki por wa duna kaam  yow yoh myntoi bha ki khynnah.

Kiwa yahkhmat ka Dorbar Dong Moopynieiñ leh da pynsñiaw ki yei sñiawngooh ya kani ka skur, kawa da wanrah naam ya ka Dong Moopynieiñ wa ka chnong Wapungskur hi waroh kawi wei da yooluti ki wa kani ka skur u man ko kam ka nongmuna ya kiwi ki skur yow kreh chitom wei ymtoh iwa eh wow poi cha ka thong.

Ha kani ka sngi da e sñiawbha ya kiwa yalehke wa u Coach yong ka KB Memorial Secondary School da ki Mementos wa ki Certificate kam wow e mynsien ya ki wa u kreh chitom wow lai cha khmat ha ka yalehke yong ki ha ka State Level yong katai ka lympung yalehke Football. Ka MSCSO da e ko leh ya ka memento wa ka Cash Prize Award kawa T. 10,000 cha kani ka skur lyngba u Principal u H.U. Bang.

Previous
Next

0 Comments

Leave a Reply