Jowai: Ka 1st JJM Nichols Roy Memorial Inter Office T20 Cricket Tournament 2018 da pteiñ biang ya ka da ka yalehke hapyrdi 3rd MLP (IR) Battalion pyrchah ya ka Medical XI.
Ka Battalion da jied ko wow Bat nyngkong wei da kamai ko 193 Run na ki 20 Over deiwa dooh 6 tylli ki Wicket.
Ki Batsman ka Battalion kiwa kamai boon Run toh u Bikash Chettri uwa yoh 43 Run, u Pynshlur Shadap uwa yoh 32 Run wa u Bahunlang Gashnga uwa yoh 30 Run.
Neiliang kiwa kawang bol ka Medical, u Peterson Lamare da yoh u 4 Wicket na ki 4 Over wei da chah kamai u 27 Run, u Ahijah Roy Langstang uwa pynhaap chi Wicket na ka chi Over wei e u 21 Run wa u Dawanroy Nongpluh uwa da yoh chi Wicket na ki 4 Over wei da e u 32 Run.
Ka Medical XI hawa kdong ya ka thong da yoh ki 188 Run deiwa dooh ya 8 Wicket na ki 20 Over.
Ki Batsman ka Medical kiwa da kamai boon Run toh u Peterson Lamare uwa yoh 74 Run khlem haap ka Wicket yong oo, u Rimilan Passah uwa yoh 31 Run wa u Dawanroy Nongpluh uwa yoh 28 Run.
Kiwa kawangbol ka Battalion kiwa leh bha toh u Amarjit Singh na ki 4 Over da yoh u pynhaap 2 Wicket wei da chah kamai u 24 Run, u Vijay Shah na ki 4 Over da yoh u chi Wicket wei da e u 31 Run wa u Bikash Chettri uwa yoh 2 Wicket na ki 4 Over wei da chah kamai u 37 Run.
Kamtæ ka 3rd MLP (IR) Battalion da jop ko da 5 Run.
Discussion about this post