Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ki yakhun Quarter Final kawa le ynne ka 6 tarik heipor 12:30 i sngi.
Ya ka yakhun Quarter Final ynne ka sngi da pynman hapyrdi ka Soil Conservation waka 3rd MLPBN heiwa ka MLPBN da jop ko da 3-1.
Ha ka kylla step, ka yalehke da kut ko da mar chi kool heiwa ya ka kool ka MLPBN da thap da u Benjamin Sangma ha ka minit wa 20 iwa da su kylliang ka Soil ha ka minit wa 40+2 lyngba u Saman War.
Ha ka kylla miet, ya ka MLPBN da thap kool da u Dao-Hi Kharbih ha ka minit wa 57 wa u Ramos Ingti ha ka minit wa 74.
