Ka Independence Day Cup U-17 Football Tournament 2024 wa pynman da ka West Jaiñtia Hills District Sports Association (WJDSA) da poi ko cha wakut ynne da ka yakhun Final hapyrdi ka 7 Wasa waka Khimusniang.
Ka yalehke da man ko kawa ya ryngkat bor bha heiwa hadooh wa kut ka yalehke ym em wa yoh u thap kool wei da pynman da ka yachut Tie-Breaker yow jied ya kiwa jop.
Ha ini i yachut Tie-Breaker leh man ko kawa ya thaiñ bha tangwa hawa kut da jop da ka 7 Wasa da 4-3.
Ha kani ka sngi da saam leh yei khusnaam cha kiwa yalehke heiwa yei naam Top Scorer da yoh u Riphi O Shylla uwa na ka 7 Wasa uwa da yoh u thap 5 kool.
Yei naam Man of the Match da yoh u Eny Manner, yei naam Best Goal Keeper da yoh u Richard Khaii wei yei naam Player of the Tournament da yoh da u Dawansalanmi Malang kiwa waroh na ka 7 Wasa.
Ka 7 Wasa kam kawa jop da yoh ko leh ya ka song poisa kawa Rs. 30,000 katwa ka Khimusniang kam kawa rem da yoh ko Rs. 20,000 deilang wa ki Trophy.
Ya kani ka Independence Day Cup da wan wow pynhaap pyrda da u DC ka West Jaiñtia Hills District, u B.S. Sohliya.
Discussion about this post