Jop ka Catholic Youth, ka Pammanik waka Lumbahdakha ha ka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Catholic Youth Mihmyntdu da jop ko ya ka Mupliang da 2-0 da ki kool wa thap da u Pyniaid Shadap ha ka minit wa 45 wa u Firsterborn Talang haka minit wa 53.

Ha ka yalehke wa ar, ka Pammanik dajop ko ya ka Tpeppale da 4-2. Ya ka Pammanik da thap da u Emlang Pakma ha ka minit wa 8 wa 14, u Heilangki Suchiang haka minit wa 16 wa u Dawan Pakma haka minit wa 33.

Ya ka Tpep Pale da thap da u Wansani Pakma ha ka minit wa 22 wa u Redulent Challam ha ka minit wa 26.

Related posts

Yoh u Phrangki Buam yei naam Most Valuable Player ha ka Indian Football League 2025-26

May 25, 2026

Yoh ki ar ngut kiwa na East Jaiñtia Hills yei naam Best Athlete ha ka State Level Inter-School Meet 2026

May 24, 2026

Ha ka yalehke wa le, ka Lumbhahdakha Wahiajer da jop ko ya ka Mookaswan Dongnein da 6-0 da ki kool wa thap u Heimonmi Dkhar haka minit wa 13 wa 70, u Gideon Mukhim haka minit wa 34 wa 60, u Clever Lyngdoh haka minit wa 39 wa u Kamwamut Pakem haka minit wa 80+2.

Ki yalehke u pteiñ biang ki ha ka 18 tarik hapyrdi ka Pateinki Sabah waka Khliehmyntdu Neinchnong heipor 11:00 waje i step, ka Saindur Mihmyntdu waka Khliehmuchut Shangpung heipor 1:00 waje i sngi iwa daw pynkut da ka Mawsiang FC Nongkhroh waka Iong I Dahi FC heipor 3:00 waje noh chariñ ka sngi.