Jop ka Catholic Youth Mihmyntdu, ka Mookymphad wa Riatsaliya ha ka 3rd Division, ka Moosalyngkat ha ka 2nd Division

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da le tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ha ka yalehke wa nyngkong ka 3^rd Division, ka Catholic Youth Mihmyntdu da jop ko ya ka Loompyrdi Iongpiah da 1-0 da ka kool wa thap u Heimonmi Dkhar ha ka minit wa 20.

Ha ka yalehke wa ar, ka Mookymphad da jop ko ya ka Umchangiar da 3-0 da ki kool wa thap da u Honesty Phawa ha ka minit wa 32, u Jerry Dkhar ha ka minit wa 46 wa u Wailad Shylla ha ka minit wa 65.

Related posts

Psiah Final ka Langsning hei sien wa nyngkong ha ka MSL deiwa pynrem ya ka Lajong

May 30, 2026

MSL 5: Dooh ka Shkenshynriah u psiah Final deiwa rem ha ka Nongkseh

May 29, 2026

Ha ka yalehke wa le, ka Riatsaliya Mihmyntdu da jop ko ya ka Mookymphad Nangbah da 4-0 da ki kool wa thap da u Meban Kharssotti ha ka minit wa 9 wa 34, u Bony Lyngdoh ha ka minit wa 36 wa u Neviki Phawa ha ka minit wa 56.

Ha ka 2nd Division, ka Moosalyngkat da jop ko ya ka Mupliang da 1-0 da ka kool wa thap da u Clifford Myrchiang ha ka minit wa 27.