Ka Chiruplang FC da jop ko ya ka Mukhim Brothers da 4-0 lyngba ki kool na u Tre Lamare wa na u Bantei Shylla kiwa da thap mar ar kool.
Ha ka yakhun wa bood heipor 1:00 waje, ka 7 Wasa da jop ko ya ka Nongjngi FC da 7-0 wei ya kini ki kool da thap da u Niponghi Sumer, Primrose Lamat, Shining Lamurong, Batskhem Tariang wa na u Civility uwa da thap 3 kool.
Neiliang u Secretary ka Tournament, u W. Dkhar da pyntip u wa ka yakhun wa bood u man ko ha ka 04-12-21 kawa man leh ka Pre-Quarter wa nyngkong hapyrdi ka Pasadwar pyrchah ya ka 9 Brother FC heipor 1:00 waje i sngi.
Kam wow pynkynmoo heini, kani ka lympung toh kawa pynlai da ka FKJGP Nartiang Area Unit, heiwa kiwa jop ya ka Final ha kani ka lympung u yoh rah ki ya ka song poisa wa T. 2 lak katwa kiwa rem ha ka Final won u yoh ki T. 1 lak.
