Ka 17th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) dapoi ko cha ka yalehke wa 19 ynne ka sngi.
Ha ka yalehke wa da pynman, ka Chutwakhu da jop ko ya ka Mooknor Thadmuthlong da 4-1.
Ya ka Chutwakhu da thap da u Gladio Susngi ha ka minit wa 4 wa 69, u Wanrilang Lamare ha ka minit wa 42 wa u Ewanmida O Langstang ha ka minit wa 79 katwa ya ka Mooknor Thadmuthlong da thap da u Manhok Suchiang ha ka minit wa 34.
Ka Chutwakhu kattu da jop ko ar sien, ya Drawn chisien wei da rem ar sien katwa ka Mooknor da jop ko chisien, rem ar sien wei ya Drawn chisien.
Ka yalehke mystep u pynman hapyrdi ka Nangbah Mulang wa ka Ladthadlaboh heipor 1:00 waje i sngi.
Discussion about this post