Ka Chutwakhu da jop ko haka lympung yalehke Open to All T20 Cricket Tournament 2022 wa da pynlai daka All Jaiñtia Cricket Association ha Madan Jrisaleiñ ynne ka sngi 21 tarik.
Ha ka yakhun wa hapyrdi ka Chutwakhu wa ka Umshangiar heipor 11:00 waje i step, ka Chutwakhu da ye ko u pynrem yaka Umshangiar da 7 Wicket.
Ya ka kylla khlem da jop da ka Umshangiar wei da jied ko wow Bat nyngkong.
Ka Umshangiar da ye ko ko wow yoh 164 Run na ki 20 Over deiwa dooh ko 7 Wicket. U Dauru Lato da yoh u 57 Run na 42 bol, neiliang ka Chutwakhu u Emdor Sutnga da yoh u 3 Wickets na ki 4 Over.
Hawa kdong won ya ka thong ka Chutwakhu da ye ko u tied 169 Run naka 16.1 Over, deiwa dooh ko 3 Wicket. U Bhuvnesh Kumar da ye u tied 93 Run na 52 bol, heiwa neiliang Umshangiar u Teilang War da yoh u 3 Wicket naka 4 Over.
