Ka 17th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) dapoi ko cha ka yaleh wa ynniaw ynne ka sngi.
Ha ka yalehke wa da pynman, ka Demthring da jop suk ko ya ka Youth Cultural Sohmynting da 7-0.
Ya ka Demthring da thap kool da u Forman Nongsit ha ka minit wa 15, u Phransis Mukhim ha ka minit wa 46 wa 70, u Teibha Lamin ha ka minit wa 53, u Civility Khongmalai ha ka minit wa 59, u Primrose Lamat ha ka minit wa 69 wa u Heisa Da E Ryngkhlem ha ka minit wa 81.
Ka Demthring kattu da jop ko la ar sien katwa ka Sohmynting da jop ko chisien wei rem chisien.
Ka yalehke wa bood u pynman mynstep hapyrdi ka Ladthadlaboh wa ka 7 Wasa FC heipor 2:00 waje i sngi.
Ynne da pynman leh ka yalehka ka 1st Women’s League Football Tournament 2025 heiwa ka Carpediem FC da jop ko ya ka Catholic Youth SC da 7-0 da ki kool wa thap ka Deigracia Dan ha ka minit wa 3, 24, 34, 41 wa 60+1, ka Ibanetilut Shylla ha ka minit wa 18 wa ka Peacefully Pohplet ha ka minit wa 59.
Ka WJDSA da pynbna ko leh wa ka Final ka 1st Division u pynman ha kani ka 8 tarik hapyrdi ka Dulong wa ka Madan Thadmuthlong heipor 1:00 waje i sngi.
Discussion about this post