Jop ka Dongmihsngi haka 2nd Div waka Dulong haka 1st Div ka WJDSA

Jowai: Haka yalehke 2^nd Division ka WJDSA kawa tip leh kam ka 3^rd Debo Shullai Memorial Trophy, ynne ka sngi da pynman ka yalehke hapyrdi ka Dongmihsngi waka Panaliar.

Ha kani ka yalehke, ka Dongmihsngi da jop ko yaka Panaliar da 2-0 da ki kool wa thap u Magnify Suchiang haka minit 6 wa u Shaphrang Thabah haka minit wa 69.

Haka 1^st Division kawa tip leh kam ka 9^th Chatister Kharkongor Memorial Trophy, ka Dulong da jop ko yaka West Madan Mustem da 2-0 lyngba ki kool wa thap u Wansa o Laloo haka minit wa 1 wa u Sanwot Niangti haka minit wa 55.