Jop ka Dongmihsngi wa ka Mulang Ialong ha ka 2nd Division ka WJDSA

Ka 8th Debo Shullai Memorial Trophy kawa man leh kam ka 2nd Division Football Tournament 2025 ka West Jaintia District Sport Association (WJDSA) da pteiñ ya ka ynne da ar tylli ki yalehke.

Ha ka yalehke wa nyngkong, ka Dongmihsngi da jop ko ya ka Giovento Mynso da 4-0 da ki kool wa thap u Dasienki O Sutnga ha ka minit wa 4, u Daioshwa Surong ha ka minit wa 41, u Lalrim Nampui ha ka minit wa 66 wa u Diki Suchiang ha ka minit wa 77.

Ha ka yalehke wa ar, ka Mulang Ialong da jop ko ya ka Loomsooiung New Hill da 2-1. Ya ka Mulang Ialong da thap da u Teibok Lyngdoh ha ka minit wa 10 wa 43 katwa ya ka New Hill da thap da u Lastborn Suting ha ka minit wa 74.

Related posts

Jop uwa na Meghalaya ya ka Kettlebell World Championship ha Moldova

June 8, 2026

Hei sien nyngkong wa chimbynta ha ka MSL rah syndon ka Nongkseh yei naam Champion

June 5, 2026