Ka Efty United XI Mynso da jop ko da chi Wicket ya ka Umshangiar Sports Club ynne ka sngi ha ka Open to All Cricket Tournament 2023 wa da pynman da ka West Jaiñtia Hills District Ciricket Association ha Madan Khliehtyrshi Mini Stadium.
Ya ka kylla-khlem da jop da ka Umshangiar Sports Club heiwa da jied ko u Bat nyngkong wei da ye ko wow kamai 209 Run na waroh ki 35 Over deiwa dooh 7 Wicket heiwa da kamai boon dooh da u Dathrang Pariat 62 Run na 72 bol wa u Kunemiki Lato 40 Run na 26 bol katwa neiliang ka Efty won da lehbha u Eleazar C Dkhar uwa da yoh 2 Wicket na ki 5 Over.
Ka Efty hawa beh ya ka thong da ye ke wow jop ha ka 29.2 Over deiwa yoh 210 Run wei da dooh ko 9 Wicket. Na kiwa Bat da pynchkeh toh u Sanvert Kurkalang uwa da yoh 63 Run na 42 bol, u Sylvester Mylliempdah 42 Run na 35 bol. Na kiwa kawang bol ka Umshangiar won da lehbha u Sate Bareh uwa da pynhaap 3 Wicket wa u Mewada Shylla 2 Wicket.
Yei naam Man of the Match da yoh u Sanvert Kurkalang yong ka Efty United XI Mynso.
