Ka Friends United XI da jop ko da 21 Run ya ka Khimusniang Sports Club ynne ka sngi ha ka Open to All Cricket Tournament 2023 wa da pynman da ka West Jaiñtia Hills District Cricket Association Jowai ha madan Khliehtyrshi Mini Stadium.
Ya ka kylla-khlem da jop da ka Friends United XI wei da jied ko u Bat nyngkong, heiwa da ye ko u kamai 212 Run na ki 32 Over deiwa dooh 6 tylli ki Wicket deiwa kamai boon u Shwamiki Paswet 45 Run na 60 bol wa u Monjurlang Suchiang 43 Run (Not Out) na 47 bol wa u Yutang Kma 39 Run na 42 bol heiwa neiliang ka Khimmusniang won kiwa da yoh Wicket toh u Defender Dhar 2 tylli na ki 4 Over wa u Richard Patwet 2 Wicket na ki 3 Over.
Ka Khimmusniang hawa kdong ya ka thong da dooh lut ko ya ki Wicket ha ka 30 Over deiwa kamai 191 Run deiwa lehbha u Yoohimiootre Patwet 32 Run na 22 bol, u Rimiyoo Syih 23 Run na 33 bol katwa na kiwa kawang bol ka Friends United XI kiwa da pynhaap boon Wicket toh u Kishan Lyngdoh uwa da yoh 3 Wicket na ki 7 Over katwa u Riata Challam won da yoh u 3 Wicket na ki 5 Over.
Yei naam Man of the Match da yoh da u Kishan Lyngdoh yong ka Friends United XI.
