Shillong: Ka Meghalaya da rem ko haka Goa da chi Innings wa 8 Run haka yalehke wa ar yong ki haka Ranji Trophy kawa pynman ha Goa ynne ka sngi.
Ka Goa da jop ko yaka kylla-khlem wei da phah Bat nyngkong ko yaka Meghalaya kawa ye u kamai 203 Run (All Out) haka sngi nyngkong, u Ravi Teja da kamai boon dooh da 81 Run.
Ka Meghalaya da ye ko wow pynhaap smat 3 tylli ki Wicket ka Goa deiwa yoh ko 40/3 da ki Wicket na u Abhay Negi wa u Dipu Sangma. Tangwa ka Goa da ye ko wow pynkhlan ya i kamai Run da u Snehal Kauthankar (179) wa u Sumiran Amonkar (129) yow yoh 463 Run (All out), deiwa tam 260 Run.
U Negi da yoh u 5/90, u Mark Ingty (2/30), u Sangma (2/47) wa u Sajay Yadav (1/102) toh kiwi kiwa yoh Wicket.
U Teja da dooh u wow chimbynta haka Innings wa ar ka Meghalaya wa yoh u yei chitom, kamtæ u Punit Bisht da yieñ u wei da kamai u 51 Run, wa u Negi uwa kamai leh 50 Run tangwa hawa kut, ka Meghalaya da ye ko wow kamai du 252 Run iwa pynjop yaka Goa.
Discussion about this post