Ka 1st Open to All Veteran Football Tournament 2023 wa pynman da ka East Jaiñtia Hills District Football Association (EJHDFA) da poi ko cha ka sngi wa le deiwa pynman ar tylli ki yalehke.
Ha ka yalehke wa nyngkong, ka Golden Lion VFT da jop ko da 2-1 yaka Rymbai Synrang Shahkhain VFT.
Ya ka Golden Lion da thap kool da u Hopinglast Rymbai haka minit wa 19 wa u Comfort Dkhar haka minit wa 23 katwa ya ka Rymbai Synrang Shahkhain da thap da u Iasyllok Bareh haka minit wa 61.
Ha ka yalehke wa ar, ka Border Area VFT da jop ko da 6-1 yaka Khliehriat East VFT.
Ya ka Border Area da thap kool da u Boyme Rymbai haka minit wa 12, u Firmly Rymbai haka minit wa 22, u Dimon Ksih uwa da yoh Hat-Trick deiwa thap haka minit wa 34, 42 wa 61 wa u Arwot Dkhar haka minit wa 58.
Ya ka Khliehriat East da thap da u Joshua Sajem haka minit wa 56.
Ki yalehke wa bood u pynman ha ka 2 tarik hapyrdi ka Tyllilang VFT waka Nongthymme VFT heipor 11:00 waje i step wei daw pynbood da ka OIG waka West Jaiñtia Police FT heipor 1:00 waje i sngi.
Discussion about this post