Jop ka Iaikyntu Pohskur Ionglwit waka Dong Madan Bol Mynsngat ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.

Ha ka yalehke wa nyngkong wa da pynman hapyrdi ka Tyrchang SC pyrchah ya ka Khliehtyrchi United da kut ko da 2-2. Ya ki kool ka Tyrchang da thap da u Hinderson Shylla haka minit wa 17 wa u Strong Pillar Kharpamtiah haka minit wa 62 katwa ya ki kool ka Khliehtyrchi United da thap da u Peh Dkhar haka minit wa 49 wa u Aimi Shylla haka minit wa 68.

Related posts

Sa ha ka Vijay Hazare Trophy yoh spah Run u Kishan Lyngdoh yow pynjop ya ka Meghalaya

December 24, 2025

Pynbna ka Assam Warriors Academy yei pyrtuid kiwa chah jied na ka Trial wa pynman ha East Jaiñtia Hills

December 24, 2025

Ha ka yalehke wa ar, ka Iaikyntu Pohskur Ionglwit da jop ko yaka Madan Synrang da 4-0 da ki kool wa thap da u Findly Nongkrem haka minit wa 12 wa 46, u Silet Pulang haka minit wa 57 wa u Riteenki Shadap haka minit wa 65.

Ha ka yalehke wa le, ka Dong Madan Mynsngat da jop ko yaka Kdohkule da 2-1. Ya ki kool ka Dong Madan Mynsngat da thap da u Iomi Thubru haka minit wa 12, u Daioshwa Siangshai haka minit wa 39 katwa ya ki kool ka Kdohkule da thap da u Hoshen Lyngdoh haka minit wa 45.