Ka District Level Hackathon cum Exhibition and Creative Writing Competition da pynman ka ha ka 4 tarik uni u bnai ha Jowai Public School, Jowai kam chibynta ka School Improvement Program yow e laad ya ki khynnah skur wow pynyoo ki yei sap i tap yong ki.
Ka phang pyrdi kani ka yakob toh kawa ong, “Nurturing Innovation and Creativity by Developing STEM Mindset and Reading Habits,” wei da pynman ya ka da ka Northeast Centre for Equity Action on Integrated Development (NEAID) deilang ka Samagra Shiksha–SEMAM wa ka Directorate of School Education and Literacy, Meghalaya. Yeini da kyrchaan da ka HDFC Bank Parivartan wei da pynkrehkaam lyngba ka Shikshagraha & Samagra Shiksha.
Ha kani ka sngi da emlang ka Dr. W. Sumer, District School Education Officer (DSEO), West Jaintia Hills wa u Pratyush Choudary, Program Lead, NEAID heiwa da yoh yei ktien pdiang sñiawbha na u Anand Barua.
Ha ka yakob Hackathon, ka Jaintia Higher Secondary School da yoh nyngkong ko wei da pynbood da ka Jowai Public School hei wa ar katwa hei wa le da yoh Ka Syiem Jingsuk Higher Secondary School.
Ha ka Creative Writing Competition, ka Mookyndur Secondary School, Mookyndur da yoh nyngkong ko, ka Jowai Public School hei wa ar katwa hei wa le da yoh ka PM Shri Tpep Pale Government LP School, Jowai.
Ya kini waroh da bichaar da ka Dr. W. Sumer, District School Education Officer (DSEO) deilang ka Wailad Suiam wa u Sparting Pohtam.
Discussion about this post