Ka Jalaphet Bri Sumer SC da jop ko ha ka Semi Final wa nyngkong ka Super League yong ka Saipung Block Sports Association (SBSA) kawa da pynman ynne ka sngi.
Ka yalehke toh hapyrdi ka Jalaphet Bri Sumer SC pyrchah ya ka Narwan SC heiwa Jalaphet Bri Sumer SC da jop ko da 2-0 ya ka Narwan SC.
Ya ki kool da yoh wow thap ha ka minit wa 57 ha ka kylla miet lyngba u Das Dkhar (Jersey-7) katwa ya ka kool wa ar da yoh u thap da u Forward Pdang (Jersey-11) ha ka minit wa 77.
Ya ka Semi Final wa ar won daw pynman hapyrdi ka Jalaphet Pyrdung pyrchah ya ka Mulait United FC ha ka 4 tarik uni u bnai heipor 1:00 waje i sngi.
Neiliang ka SBSA da kyrpaad ko ya ki paidbah wa ka-it wow pait bol wow yawan cha kani ka Semi Final.
