Ka Super League yong ka Saipung Block Sports Association (SBSA) kawa da sdang ha ka 16 tarik uni u bnai, ha chnong Lamyrsiang, da pteiñ ya ka ynne ka sngi da ki artylli ki yalehke.
Ha ka yalehke wa nyngkong ka Jalaphet Bri Sumer SC da yachem ko ya ka Lakasein SC heiwa ka Jalaphet da jop ko da 2-0.
Ya ki kool da thap da u Rilang Malang (Jersey No.11) ha ka minit wa 35 wa u Jas Chyrmang (Jersey No. 9) ha ka minit wa 65.
Ha ka yalehke wa ar da jop ka Lamyrsiang SCC ya ka Jarain SC.
Ya ka Lamyrsiang da pynjop da u Delygen Pdang (Jersey No.14) uwa da thap kool ha ka minit wa 68′.
Kani ka yalehke da man ko kawa yoosuk wa yathaaiñ bha heiwa ka kylla step da kut khlem em wa thap kool hadooh wa poi ka minit wa 68 kawa da neh hadooh wa kut ka yalehke.
