15 49.0138 8.38624 1 0 4000 1 https://wyrta.com 300 0
Advertisement ad1

Jop ka Keanean’s United waka Tur Shaphrang FC Malki ha ka 2nd Open Futsal Tournament 2018

0 Comments
Advertisement ad1
Advertisement ad1

Shillong: Ka Keanean’s United waka Tur Shaphrang FC Malki da jop ki ha ka kyrdan kynthai wa chynrang ha ka 2nd Open Futsal Tournament 2018 ynnin i janmiet ha Shillong.

Ha kani ka sngi u Sanbor Shullai, uwa man leh kam u MLA thaaiñ kamjooh u Chairman ka Meghalaya Tourism Development Corporation da man u kam u kongsan wei u symbood kongsan da man u Arki Nongrum, President ka Meghalaya Football Association wei da emlang leh ki dkhot ki seiñ Futsal Associations ka District.

Ya kani ka lympung da sdang nadooh ka 25 tarik uni u bnai wa pynman da ka Futsal Association of Meghalaya (FAM) kawa pynman ha Laban Sports Club Indoor Stadium.

U President ka FAM u Dr. Brightstar Langbang da ong u wa kani ka lympung da pynman yow pynku ya ka yalehke FAM kamjooh yoh pyn ka-it ya ki paidbah ya kani ka yalehke yow lait ki khynroo khyllood wow ngat ha ki jait dih wa pynmuaid.

U Nongrum da yaroh u leh ya ka FAM kawa chim ya i bahkhlieh wow pynman ya kani ka lympung deiwa ong wa ka yalehke Futsal man ko kawa emkaam bha ya kiwa em ya i sap yalehbol wow sdang ki u ku ki cha kiwi ki kyrdan.

Neiliang u kongsan hei klam yong oo da ong u “Heipor wa dang khynroo nga leh toh uwa yalehbol wei ha kani kaam nga pynchlur O ya phi wow chimkhia phi ka chynrang wa kynthai ha waroh ki jait sports yow yoh phi ya ka mynried wa tyrchaaiñ.”

Da kular u leh wow yarap ya ka FAM wow pynku ya kani ka yalehke khamtam cha ki khynroo khyllood.

Hawa kyruiñ won cha ha yalehke Final ha waroh ki kyrdan chynrang wa kynthai man ki kiwa yoosuk wa yahaap wow ong man sakhiat ki ki yalehke Final.

Ha ka kyrdan ki kynthai ka Board President XI da thap kool nyngkong ki lyngba ka Sanki Sajem, tangwa ka Keanean’s United da wan ko nadien wow jop da 3-1 kool wa thap ka Nisilia Majaw, kawa da rah leh yei naam Women’s Player of the Tournament.

Waroh ha ka kyrdan ki kynthai da wan chimbynta 8 tylli ki dhab wei ka Keanean’s United kam kawa jop da rah ki leh ya ka song poisa wa T. 15,000.

Ha ka kyrdan yong ki chynrang leh da man ko kawa ya thaaiñ bha heiwa ya kiwa jop da rai da ka Penalty Shootout hapyrdi ka Tur Shaphrang FC Malki kawa jop ya ka 7+3 Star Smit da 3-2.

Ka 7+3 Star Smit da pyntam nyngkong ko da ka kool wa thap u Mangkara Kharbyngar wei da su kylliang u Lamphrang Kharbuli uwa thap ya ka Tur Shaphrang hadien won.

Uwa yang kool ka 7+3 Star’s u Maitshaphrang Kharumnuid da jied ya oo kam u Men’s Player of the Tournament.

Ha ki kyrdan chynrang waroh da em 32 tylli ki dhab wa wan wow chimbynta heiwa ka Tur Shaphrang kawa jop ya ka Final da rah ko ya ka song poisa T.25,000.

Advertisement ad1

0 Comments

Leave a Reply