Ka Khimmusniang da jop ko ynnin ya ka Umshangiar ha ka lympung Cricket Under 19 Boys wa da pynlai daka West Jaiñtia Hills District Cricket Association, ha Madan Jrisalein Chutwakhu, Jowai.
Ya ka kylla khlem da jop daka Khimmusniang wei da jied ko wow Bat nyngkong heiwa da yoh ko 360 Run deiwa dooh 7 Wicket. U K. Bareh samen da ye u kamai 201 Run (Not out) naki 112 bol, heiwa da yoh u 38 tylli ki soo wa 2 tylli ki ynru, pynbood won sa u E. Dkhar uwa kamai 50 Run naki 52 bol.
Neiliang ka Umshangiar won u Tremi Phawa da yoh u pynhaap 2 wicket naki 7 Over.
Hawa kdong won ya ka thong ka Umshangiar da ye ko kamai du 78 Run wei da dooh ko waroh ki Wicket hapoh 13 Over. U Raikut Dkhar da ye u kamai 21 Run naki 10 bol, neiliang ka Khimmusniang u Waibhah Ryngkhlem samen da ye u yoh 6 Wicket naki 7 Over.
Ya i naam Man of the Match da yoh da u K. Bareh yeiwa kamai u 201 Run.
