U-23 Women’s Inter District Tournament: Jop ka EKH waka NGH

Ka East Khasi Hills waka North Garo Hills da jop ki ya jar jiar ki yalehke yong ki ha ka U-23 Women’s Inter District Cricket Tournament wa pynman da ka MCA ynne ka sngi.

Ha Nongstoin, ka EKH da jop ko ya ka Ri-Bhoi da 118 Run deiwa kamai boon ka Susana Denshiew (60) wa ka Lanosha Diengdoh kawa yoh 4/5 da ka bol. Ha Rongalbibra, ka NGH da jop ko da 158 Run ya ka East Garo Hills. Ha kani ka yalehke, ka Julitha Sangma da yoh ko 5/15 yow pynjop ya ka NGH.

Ka EKH da yoh ko 173/7 hadien wa phah Bat nyngkong ya ka heiwa ka Doilna Martin da yoh ki 3/34 ya ka Ri-Bhoi kiwa da ye wow jubab da 55 Run deiwa dooh lut ki Wicket ha ka Group A ka Zone 1.

Related posts

Khut ka WJDSA cha ka Trial Camp yow jied ya kiwa chimbynta ha ka State Athletics Championship 2026

August 2, 2026

Sdang ka 15th Money Knock Out Football Tournament 2026 ka Sutnga Mission SC&CC

August 1, 2026

Ha kawi won ka yalehke ka Zone 2, ka Monitha Marak da yoh ko 38 katwa ka Chigame Marak 24 tangwa ki 101 tylli ki Wide da pynpoi ya ka NGH da 199/9 na ki 35 Over. Ka Silkamchi Marak da yoh ko 4/42 ya ka EGH kiwa jubab deiwa kamai 41/10. Ka Chigame da yoh ko 3/14 da ka bol deilang wa ki 5 Wicket naka Julitha.

Mynstep ka yalehke ha Zone 2 daw pynman hapyrdi ka Tura District Cricket Association waka South Garo Hills. Katwa ha ka Zone 1 ym pynman heiwa daw pynman ya ka Semifinal wa nyngkong ha ka 30 tarik hapyrdi ka EKH waka Shillong CA.