Ka Khimusniang Sports Club da jop ko da 4 Wicket ya ka Evergreen Sports Club Mukhla Mission ynne ka sngi ha ka Open to All Cricket Tournament 2023 wa pynlai da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla khlem da jop da ka Evergreen SC Mukhla Mission heiwa da jied ko u Bat nyngkong wei da ye ko u kamai 104 Run na ki 23.3 Over deiwa dooh lut ya waroh ki Wicket. Na kiwa Bat kiwa da lehbha toh u Winchester Tang 19 Run na 42 bol, u Daurupaya Bang 13 Run na 15 bol, katwa na kiwa kawang bol ka Khimusniang kiwa da yoh Wicket toh u Defender Dhar 4 Wicket na ki 3.3 Over wa u Saunihi Patweth 2 Wicket na ki 5 Over.
Hawa beh ya ka thong, ka Khimusniang da ye ko wow pynjop deiwa yoh 105 Run ha ka 13.5 Over wei da dooh ko 6 Wicket deiwa kamai boon dooh u Yoohimiootre Patweth 37 Run na 35 bol, u Rimiyoo Syih 18 Run na 22 bol, katwa na kiwa kawang bol ka Evergreen SC won da lehbha u Peritos Pariat uwa yoh 5 Wicket na ki 2.5 Over.
Yei naam Man of the Match da yoh da u Defender Dhar yong ka Khimmusniang Sports Club.