Ka Khimusniang da jop ko ha ka lympung yalehke Open to All T20 Cricket Tournament 2021 wa da pynlai daka All Jaintia Cricket Association (AJCA) ha madan Jrisaleiñ ynne ka sngi.
Ha ka yakhun ynne ka sngi hapyrdi ka Khimusniang wa ka Moodymmai heipor 9:00 waje i step, ka Khimusniang da jop ko da 6 Wicket.
Ya ka kylla khlem da jop da ka Moodymmai wei da jied ko wow Bat nyngkong.
Ka Moodymmai da ye ko wow kamai 128/9 na ki 20 Over. U Levestar Phawa da kamai u 40 Run (3×4 wa 4×6), u Nehlang Pariat wa u Richel Passah won da ye ki u kamai mar 21 Run samen, u Pynilynti Bareh yong ka Khimusniang da yoh ko wow pynhaap 4 Wicket na ki 4 Over katwa u Tremiki Dkhar won da khur u 3 Wicket na ki 4 Over. Ka Khimusniang hawa beh yei thong da ye ko u kamai 132/4 na ki 17 Over wei da haap ko 4 Wicket. U Jeffrey Liting da kamai u 59 Run (10×4 wa 1×6), u Nibiangmon Sutnga won da ye u kamai u 25 Run (4×4 wa 1×6). U Daoo Passah yong ka Moodymmai da yoh khur ko 2 Wicket na ki 3 Over, u Nehlang Pariat won da yoh u 2 Wicket na ki 4 Over.
Ka yalehke ha ka 31-03-2021 u man ko ha pyrdi ka Khimusniang pyrchah yaka Hills United Cricket Club heipor 9:00 waje i step, kawa man ka yalehke wa khaddooh ha ka League/Group Stage.
