Jop ka Khliehmuchut, ka Mulang waka Pateinki haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Khliehmuchut Shangpung da jop ko ya ka Lumchyrmang Mihmyntdu da 2-0 lyngba ki kool wa thap da u Banteilut Langstang haka minit wa 52 wa u Elizer Suiam haka minit wa 54.

Ha ka yalehke wa ar, ka Mulang Ialong da jop ko yaka Tpep Pale da 4-2. Ya ka Mulang Ialong da thap kool da u Tellme Mulieh haka minit wa 5, u Ngait Mulieh haka minit wa 17, u Feeling Mulieh haka minit wa 68 wa u Coming Mulieh haka minit wa 71.

Ya ka Tpep Pale da thap kool da u Dasani Pakma haka minit wa 19 wa u Reyner K. Mujat haka minit wa 53.

Related posts

Da ki Jersey e sñiawbha ki ar ngut cha ka Ialong Sport Club ka wow yakhun Super Division

July 22, 2026

Yoh ka Pipilmoris Wanniang wow man kam ka Category 5 National Football Referee

July 21, 2026

Ha ka yalehke wa khaddooh, ka Pateinki Sabah da jop ko yaka Ksehsylle Ialong da 2-0 lyngba ki kool wa thap da u Premi Kyndait haka minit wa 30 wa u Wanmi Shylla haka minit wa 80+1.

Ki yalehke u pteiñ biang ki ha ka 25 tarik da le tylli hi ki yalehke kiwa daw sdang daka Tympang waka Nonglatem heipor 11:00 waje i step, ka Mawsiang FC Nongkhroh waka Moodymmai heipor 1:00 waje i sngi wei daw pynkut daka Iooksi Youth Welfare waka Royal Pole Mihmyntdu heipor 3:00 waje noh chariñ ka sngi.