Jop ka Khliehmyntdu, ka Lumchyrmang waka Iong I Dahi ha ka 3rd Divison ka WJDSA

Ka 2^nd U Adelbert Laloo Memorial Trophy kawa man leh ka 3^rd Division Football Tournament ka WJDSA dapoi ko cha ka sngi wa le ynne ka sngi deiwa pynman le tylli ki yalehke.

Ha ka yalehke wa nyngkong, ka Khliehmyntdu Neiñchnong da jop ko ya ka Kseh Sylle Ialong da 1-0 lyngba ka kool wa thap da u Lephiwanmi Kyndait haka minit wa 56.

Ka Lumchyrmang Mihmyntdu won da jop ko ya ka Saindur Mihmyntdu da 2-1.

Ya ka Lumchyrmang Mihmyntdu da thap kool da u Embor Chyrmang haka minit wa 37 wa 44 katwa ya ka Saindur Mihmyntdu da thap da u Dapmon Phawa haka minit wa 14.

Related posts

Psiah Final ka Kremmyrsiang ha ka 1st Division, jop ka Tluh ha ka Super Division ka SBSA

October 26, 2026

Jop ka Niriang ha ka 1st Division, ka Lumphyrnai Sohphoh da 9-1 ha ka Super Division ka TSA

October 26, 2026

Ha ka yalehke wa khaddooh ynne, ka Iong I Dahi FC da jop ko ya ka Moodymmai da 4-0 da ki kool wa thap u Kirot Phawa haka minit wa 2, u Pynaimi Phawa haka minit wa 25 wa u Ioolangki Sana ha ka minit wa 36 wa 57.

Mynstep ka Royal Pole Mihmyntdu daw yachem ko waka Pasyih Cultural & Sports Cub heipor 11:00 waje i step, iwa pynbood da ka Mukhla Umlangshor waka Mookyrdup heipor 1:00 waje i sngi katwa heipor 3:00 waje won ka Mookynphad Mihmyntdu u yachem ko waka Lumbahdakha Wahiajer.